Dunay daghang nagkalainlain nga panglantaw mahitungod sa paghimo og Krus o pagpanguros nga gibuhat sa mga katoliko isip usa ka pagtulon-an sa pagka-kristyano. Matod pa sa ubang sekta, supak kining maong pagtulon-an, apan wala kitay makita sa bibliya nga gisupak ang maong pagtulon-an sa paghimo og krus o sa pagpanguros.
Kung atong basihan ang bibliya mahitungod sa krus o pagpanguros, ang kasulatan nagmatuod nga ang Krus angay nga ipasigarbo. Ato kining mabasa sa Galacia 6:14 nga matod pa ni apostol Pablo, iyang gipasigarbo ang Krus ni Kristo tungod kay pinaagi niini patay na ang kalibutan alang kaniya ug siya patay na alang sa kalibutan. Tiawan ka ana? Dako gyod diay ang bili sa Krus matod pa ni apostol Pablo.
Labot pa, ang krus usa ka pamaagi nga madayag ang kamatayon ni Kristo sa krus, usa ka pamaagi sa pagpasidungog kaniya sa pagpangluwas niya kanato pinaagi sa krus. Kay sa dihang atong makita ang krus mosantop man sa atong hunahuna ang iyang kamatayon bisan walay nagsulti.
Mao nga kadtong nagsaway sa pagpadayag sa kamatayon ni kristo sa krus mao kadtong mga tawo nga nangalaglag, apan alang sa mga tawong naapil sa kaluwasan, gahom kini sa Dios. Ato kining mabasa sa 1 Corinto 1:18.
Hinaot unta nga nasabtan sa matag-usa kining maong pahayag mahitungod sa pagpanghimo og krus o pagpanguros, ug malamdagan sa Espiritu Santo ang tanan, ug makabaton og sakto nga kaalam mahitungod sa pulong sa Dios nga anaa sa Bibliya.
Read more: 10 ka sugo sa dios bisaya
= SHOW YOUR REACTION =